سیاسەتا بکارئینانێ

سیاسەتا پاڕاستنا نهێنیا

پاراستنا نهێنیێت تە بۆ مە گرنگە، ژبەر هندێ زەمبیلك کو وێبسایتەکێ خزمەتگوزاری یێ نی یە ل بوارێ کرین و فرۆشتنێ دا ل کوردستان وعێراقێ،
ئەڤ سیاسەتا ل خوارێ پاراستنا نهێنی دروستکریە دا کو بکارهێنەرێن زەمبیلك بزانن ئەم چ زانیاریا دەربارەی وان کۆم دکەین وەختێ سەرەدانا زەمبیلك دکەن ، و بۆچی کۆم دکەین و چاوا بکار د ئینین.

زاراڤێ " تۆ"، " تە" و بکارهێنەر" ئاماژەنە بۆ وی/وێ/وان کەس/ لایەن/ ڕێکخراوێن کو زەمبیلك بکاردئینیت/دئینن.

وەختێ ئەڤ سیاسەتە بەحسێ " مە "، و " یا/یێ/یێن مە " دکەت، ئەو ئاماژەنە بۆ زەمبیلك و کۆمپانیایێن سەر ب زەمبیلك و لقێت وێ ڤە.

ئەڤ سیاسەتا پاراستنا نهێنی ل دیف مەرجێن خزمەتگوزاریێن زەمبیلك ب ڕێڤە د چیت.

بۆ هەر پرسیارەكێ سەبارەت ب ڤێ سیاسەتێ یان هەر داخازییەك سەبارەت ب کارئینانا زانیاریێت تایبەت، هیڤی دارین پەیوەندیێ ب مە بکەن.

١- ئەو زانیاریێن کو ئەم ب کارهێرێن زەمبیلك کۆم دکەین،

ئەم وان زانیاریا کۆم دکەین ئەوێن کو تۆ ددەیە مە ژ وەختێ تۆ هەژمارا زەمبیلك چێدکەی و ئەڤ زانیاریە پێتڤینە بۆ جێبەجێکرنا ڕێککەفتنا وێ گرێبەستا کو د ناف بەینا مە و بکارهێنەرێن زەمبیلك دا هەیە و ڕێکێ ب مە ددەت کو پابەند بین ب ئەرکێن یاساییێن زەمبیلك.

ا) زانیاریێن تۆمارکرنا هەژمارێ. وەختێ تۆ هەژمارەکێ دروست دکەی، ئەم داخا وان زانیاریا ژ تە دکەین ئەوێن کو تۆ دبینی ل دەمێ تومارکرنێ دا، وەكی:ناڤێ سێ قولی، ئیمیڵ، ژمارا نهێنی، ناڤ ونیشان، ژمارا تێلەفۆنێ، تەمەن، رەگەز.

ب) پەیوەندی، چەت، هنارتنا نامێ. وەختێ هین ب ڕێکا ئیمێل یان هەر ڕێکەکا دی پەیوەندیێ ب مە دکەن، ئەم زانیاریا دەربارێ پەیوەندیێن هەوە و هەر زانیارییەكا کو هین پێشکێش دکەن یان ئاشکرا دکەن کۆم دکەین. دا کو بشێین بەرسڤا داخازی و پێشنیارێن هەوە بدەین، و دبیت ئەم ڤان زانیاریا ژی کۆم بکەین ئەوێن کو هین ب ڕێکا ئیمێل، چەت، مێژوویا کڕین و فرۆتنێ هتد دابین دکەن.

ت) زانیاریێن پارە دانێ،
بۆ داخازکرن و ب کارئینانا تایبەتمەندیێن زەمبیلك، دبیت ئەم ژ تە داخازبکەین کوهندەك زانیاریێن دارایی پێشکێش بکەی دا کو ئەم بشێین پروسێسا پاڕە دانێ سناهی بکەین.

ث) دبیت کوئەم وان زانیاریێن کەسی یێن کو ژ لایێ تە ڤە دابین کرین خەزن بکەین وەك ڕاپرسی، پێشنیار، زانیاریێن دارایی (مێژوویا کڕینێ)، تەمەن، ڕەگەز و هتد.

٢- شێوازێ ب کارئینانا زانیاریێن هەوە.
ئەم زانیاریێن هەوە ب پابەندبوون ب بنەمایێن گشتی پرۆسێس دکەین.

دبیت کو ئەم زانیاریێن هەوە یێن تاکە کەسی ب هندەك ئەگەرا ب کار بینین، بۆ نمونە:
بۆ نیاسینا هەوە دا کو ئەم بزانین کا ئەم تەعاملێ دگەل کێ دکەین.
بۆ دروستکرنا هەژمارێ، وەختێ تە دڤێت هەژمارەکێ چێکەی.
بۆ دروستکرنا کومەڵگەهەکا باوەرپێکری.
بۆ هندێ کو پەیوەندی دناڤ بەینا ب کارهێنەری و زەمبیلكدا بمینیت.
بۆهندێ کو ب دلێ خۆ بازاڕی بکەی.
بۆ پاڕە دان و وەرگرتنێ ل دەمێ بازارکرنێدا.
بۆ ڕێڤەبرنا فەرمانێت بکارهێنەرا.
بۆ پەیوەندیکرنێ ب بکارهێنەرا.
بۆ باشترکرنا خزمەتگوزاریا.
بۆ تەئکید کرنا هەژمارو داتا و ڕێگریکرن ل ساختەکاری.
.بۆ پابەندبوونا ب یاسایێن کارپێکرنێ
بۆ داخازکرنا پێشنیارا دەربارێ بازارکرنێ.
بۆ پێشکێشکرنا پشتگیریێ ژبۆهەوە ئەگەر پێتڤی بوو.

ئەم بەس ل وان جها زانیاریێن هەوە کۆم دکەین کو ڕازیبوونا هەوە ل سەر بیت ژ بۆئەنجامدانا گرێبەستا د ناف بەینا هەوە و زەمبیلك دا.

٣- ب بازاڕکرنا ڕاستەوخۆ.

دبیت کو ئەم پێزانینێت پەیوەندیێت هەوە بۆ ب بازاڕکرنا ڕاستەوخۆ ب کاربینین، وەك ئەو ئۆفەر یێت بازرگانیا ڕاستەوخۆ، ل دیف حەزا هەوە، دبیت کو ئەم هندەك زانیاریێت تایبەت ل بەرچاڤ بگرین ئەوێن کو ب کارهێنەر پێشکێش دکەن (بۆ نموونە: ناڤ و نیشان، زانیاریێن پڕۆفایلێن سۆشیال میدیایێ و هتد) یان ئەوێن کو ئەم ل هندەك سەرچاوێن دی ب دەست ڤە ئیناین یان ب دەست ڤە بینین یان ژی ئەوێن کو مە دروست کرین هەر وەكی ل خوارێ ئاماژە پێ کری.
ئەگەرهەوە بڤێت ڕەزامەندیا خۆ ژ بۆ بازاڕکرنا ئێكسەر ڤەکێشن، و ڕەفز بکەن کو زانیاریا سەبارەت ب زەمبیلك و ئوفەڕێن زەمبیلك ژمە وەربگرن، هین دشێن هەر گاڤا هەڤە دڤێت مە ئاگەهدار بکەن ب ڕێکا هنارتنا نامەیەکێ بۆ:
info@zambilk.com.

٤- ئەم کەنگی و چاوا و بوچی دێ زانیاریێن هەوە بۆ کەسەکێ یا کومپانیایەکێ فرێکەین.

دبیت کوئەم زانیاریێن هەوە ب دەینە لایەنێ سیێ ئەو زانیاریێن کو ئەم ب کار دئینین بۆ دابینکرن و پشتگیریکرنا خزمەتگوزاریێن زەمبیلك.

بۆ نمونە:
ا) ل ئەو جهێن کو ل دیف یاسایێ یان مەرجێن ڕێکخستی، فەرمانا مەحکەمێ یان مۆڵەتا دادوەرێن دی پێتڤینە.

ب) ل بەرسڤا داواکارێن یاسایێن دەستهەڵاتا گشتی دا، ژ بۆ مەبەستا ب جهئینانا مەرجێن ئاسایشا نیشتمانی و ب جهئینانا یاسایێ.

ت) ل پەیوەندیا دگەڵ فرۆشتن، ڤەگوهاستن، ئێکگرتن، ئیفلاس، داڕشتن یان ڕێکخستنا هەرکارەكێ.

ث) بۆ پاراستن یان بەرگریکرن ل مافێن ب کارهێنەرێن زەمبیلك، بەرژەوەندی یان ماڵ و موڵكێن مە، یان مافێن لایەنێ سیێ، بۆ نموونە: بۆ لێکۆڵینێ ب کرنا هەر خەلەتیەكێ دا سەبارەت پەیوەندیا دگەڵ بەرهەم و خزمەتگوزاریێن زەمبیلك دا.

ج) پاراستنا بەرژەوەندیێن ب ژیانا هەرتاکە کەسەکێ ڤە گرێدایی.

٥- کوکیز
د نوکەدا ئەم چ کووکیز یان تەکنەلۆجیێن وێ ب کارنائینین.

٦- زانیاریێن هەستیار
ئەم زانیاریێن هەستیار وەك: بۆچوونێن سیاسی، بیروباوەڕیێن ئایینی یان فەلسەفی، ڕەگەزی یان نەتەوەیی، زانیاریێن ( دی، ئێن، ئەی ) زانیاریێن بایۆمەتری، زانیاریێن تەندروستی یان زانیاریێن کو پەیوەست بن ب ئاراستەیەکێ سێکسی کۆم ناکەین.
هیڤیدارین چ زانیاریێن هەستیار بۆ مە نە فڕێکەن، بەڵاڤ نەکەن، یان نەدەنە مە.ئەگەر هەوە زانی کو مە زانیاریێن هەستیار هەبن بۆ نموونە: کەسەکی یان لایەنەکێ تشتەکێ هەستیار بەڵاڤ کربیت و د ناڤ زەمبیلك دا هەبیت هیڤیدارین ئێکسەر پەیوەندیێ ب مە بکەن،. مە مافێ ژێ برنا هەرتشتەکێ یێ هەی کو زانیاریێن هەستیار تێدابن.

٧- لینکێ لایەنێ سیێ.

دبیت کو زەمبیلك لینکێن لایەنێن سیێ ژی هەبن. هیڤیدارین پێداچوونەکێ د سیاسەتا پاراستنا نهێنیێن وان دا بکەن دا کو باشتر بزانن کو چاوا زانیاریێن هەوە یێن تایبەت ب کاردئینن، چونکی ئەم سیاسەت و شێوازێ ب کارئینانا زانیاریێن هەوە یێن تایبەت ژ لایێ لایەنێ سیێ ڤە کۆنتڕۆڵ ناکەین.

٨- ڕاگرتن.

ئەم زانیاریێن هەوە یێن تایبەت دەف خۆ د هێلین ژبۆ پێشکێشکرنا خزمەتگوزاریا بۆ هەوە ل دیف پێتڤیا بۆ پابەندبوون ب کارێن مە یێن یاسایی و چارەسەرکرنا ناکۆکیا و ب جهئینانا رێککەفتنا.
ئەم زانیاریێن هەوە یێن تایبەت هند ل دەف خۆ د هێلین هندی کو تە هەژمارا زەمبیلك هەبیت ، ئیللا
ل دیف یاسایێ پێتڤی بکەت کو زانیاریێن هەوە یێن تایبەت بۆ ماوەیەکێ درێژتر بهێلین،
ئەگەر هەوە بڤێت کو ب کارئینانا زانیاریێن هەوە یێن تایبەت راوەستینین، ل وی دەمی هین یێن داخازا هندێ دکەن کو ئەم زانیاریێن هەوە ژێ ببەین و هەژمارا هەوە یا زەمبیلك بگرین. هیڤیدارین ئاگاداربن کو حەتتا پشتی ژێبرنا هەژمارا هەوە ژی ڕەنگە هندەك زانیاریێن هەوە یێن تایبەت بۆ باجێ یان ڕاپۆرتکرنا یاسایی و پابەندبوون ب یاسایێ ل دەف خۆ بهێلین.

٩- سکیۆرێتی

زەمبیلك هەمی ڕێکێن ئەمنی یێت ب جهئیناین ژ بۆ پاراستنا ئەو زانیاریێن تایبەت کو هین ددەنە زەمبیلك، وەك: ڕێکێن عەمەلی، ئەلیکترۆنی و ڕێکارا. د ناڤ تشتێن دی دا، ئەم بەردەوام چاڤدێریا سیستەمێن خۆ دکەین بۆ هەر ئەگەرەکێ نە چاڤەڕێ کری.
هەرچەندە ئەم هەوڵەکا زێدە ددەین ژ بۆ پاڕاستن و هەكکرنا زەمبیلك بەلێ پا بزانن کو چ وێبسایت یان ئەپ ١٠٠ ژ ١٠٠ێ پاڕاستی نینن، ژبەر وێ چەندێ ئەم گەرەنتیا پاراستن و ئاسایشا زانیاریێن هەوە یێن تایبەت یان هەر تشتەکێ کۆ ژ دەرڤەی کار و یاسایێن زەمبیلك دا بن نادەین کو هین بەڵاڤ دکەن، یان ژی ب هەر رەنگەکێ کو هین چ ب ڕێکا زەمبیلك یان دەرڤەی زەمبیلك بۆ لایەنەکێ فڕێدکەن.
ئەم هەوە ئاگەهدار دکەین: خۆ ژ هندێ دیر بگرن کو زانیاریەکا خۆ یا تایبەت ب دەنە کەسەکێ کو هین بزانن دێ زیانێن ماددی و مەعنەوی ب هەوە کەڤن، وەك: ناڤ و نیشان، ئیمێل، ژمارا نهێنی، ژمارا تێلەفونێ، و ئەگەر هەوە کارتا بانقێ ژی هەبیت.

ئەگەرهەوە هەر پرسیارەك هەبیت سەبارەت ب ئاسایش یان خزمەتگوزارییەکا زەمبیلك، هیڤیدارین پەیوەندیێ ب مە بکەن ب ڕێکا ڤی ئیمێلی
info@zambilk.com.

١٠- مافێ ب کارهێنەری.

هەمی ب کارهێنەرێن زەمبیلك هندەك ماف یێن هەین سەبارەت ب پاراستنا زانیاریێن کەسی یێن تایبەت، وەك:
ب دەستڤە ئینانا وان زانیاریێن مە دەربارەی ب کارهێنەراڤە هەی. ئەگەرهەوە بڤێت بزانن کو زەمبیلك چ زانیاریێن هەوە هەنە، هین دشێن هەر وەختەکێ پەیوەندیێ ب مە بکەن و داخاز بکەن.

مافێ ڕاستکرنا زانیاریێن نە دروست دەربارێ هەوە. هین دشێن د هەر وەختەکێ دا هەوە بڤێت زانیاریێن خۆ یێن تایبەت ڕاست بکەن.
مافێ نە ڕازی بوونێ ژ بۆ ب کار ئینانا زانیاریێن هەوە یێن تایبەت، هین دشێن ل هەر وەختەکێ دا نە ڕازیبوونا خۆ دەرببڕن ب رێکا پەیوەندیکرنێ ب زەمبیلك. هەر چەندە ئەگەر هەوە نە ڕازیبوونا خۆ ژی دەربڕی، بزانن ئەو نە ڕازیبوونە چ کاریگەری ل سەر یاسایی بوونا ب کارئینانا بەری نە ڕازیبوونێ نابیت.

مافێ تۆمارکرنا سکاڵایێ،
هین دشێن هەر وەختەکێ پێتڤی بوو سکاڵایێ ل سەر زەمبیلك یان هەر ب کارهێنەرەکێ زەمبیلك تۆماربکەن ژ ئەگەرێ پێشێلکرنا مافێن هەوە یێن ماددی و مەعنەوی،
بەلێ ئەم پێشنیار دکەین هین دەستپێکێ هەوڵ بدەن پەیوەندیێ ب زەمبیلك بکەن بەلکی ئەم بشێین بگەهینە چاڕەسەریەکا ئاشتیانە.

مافێ ژێبرنا هەر زانیاریەکێ کو پەیوەندی ب هەوەڤە هەبیت.
هین دشێن داخازا ژێبرنا هەمی زانیاریێن خۆ بکەن بێی گیرۆبوونەکا بێ مەعنا ب هەر سەبەبەکێ ب مەعنا،
بۆ نموونە: ل ئەو جهێن کو چ پێتڤی ب زانیاریێن هەوە نە مایە ژبۆ ئەو مەبەستێن کو زەمبیلك زانیاریێن هەوە وەرگرتنی ل دەمێ دروستکرنا هەژمارێ، یان ل وان جهێن کو زانیاریێن هەوە ب کار د ئینن ب شێوەیەکێ نە یاسایی.

١١- ب جهئینانا سیاسەتا زەمبیلك.

ئەڤ سیاسەتە بەس وان خزمەتگوزاریا ل خۆ دگریت کو زەمبیلك پێشکێش دکەت. سیاسەتا زەمبیلك وان خزمەتگوزاریا ل خۆ ناگریت ئەوێن کو ژ لایێ کۆمپانی یان کەسانێن دی ڤە پێشکێش دکەن، وەك:
ئەو بەرهەم و سایتێن کو د وەختێ ل ئەنجامێ لێ گەڕیانێ دا نیشا هەوە ددەت، ئەو سایتێن دبیت کو خزمەتگوزاریێن زەمبیلك یان سایتێن دی ل خۆ بگرن کو ل وێبسایت یان ئەپ یان خزمەتگوزاریێن زەمبیلك ڤە گرێداینە.

١٢- گۆڕانکاری.

ڕەنگە زەمبیلك جار جارە سیاسەتا خۆ بگۆڕیت.
هەر گۆڕانکارییەکا د سیاسەتا زەمبیلك دا بهێتە کرن ئەگەر هات و ئەو گۆڕانکاریە د گرنگ بن، دێ هەوە ئاگەهدار کەین ب ڕێکا ئیمێل و نوتیفیکەیشنێ ل ئەپی دا.

١٣- قەبیلکرنا ڤێ سیاسەتێ.

وەختێ هەر کەسەك خزمەتگوزاریێن زەمبیلك ب کار د ئینیت چ ل ویبسایت یان ل ئەپی، مەعنا وێ ئەوە کو وی/وێ ئەڤ سیاسەتە ب دروستی یێ/یا خاندی و یێ/یا ڕازیە ب ڤێ سیاسەتێ.

ئەگەر کەسەك نە یێ/یا ڕازی بیتب ڤێ سیاسەتەدێ، دڤێت ئەو هەژمارا خۆ یا زەمبیلك رەش بکەت و چ خزمەتگوزاریێن زەمبیلك ب کار نە ئینیت نە ل وێبسایت و نە ل ئەپی.
مە مافێ وێ چەندێ یێ هەی کو ل هەر وەختەکێ دا سیاسەتا زەمبیلك بگۆڕین، ئەگەر گوڕانکاری یێن گرنگ بن، دێ هەوە ئاگەهدار کەین هەر وەكی ل بەشێ ١٢ دا ئاماژە پێکری.
بەردەوام ب کارئینانا زەمبیلك ب مەعنا قەبیلکرنا سیاسەتا زەمبیلکە.

١٤- بۆ پتر پێزانین.

ئەگەرهەوە هەر پرسیارەك هەبیت دەربارەی وان زانیاریێن کو ژ هەوە وەردگرین ل دەمێ هین هەژمارێ بۆ خۆ ڤەدکەن، یان چاوا ب کاردئینین، هیڤیدارین پەیوەندیێ ب مە بکەن ب رێکا:
info@zambilk.com
وەطس ئەپ ٠٠٤٤٧٤٧١٥٢١٨٨٨
ڤایبەر ٠٠٤٤٧٤٧١٥٢١٨٨٨