سیاسەتا زڤراندنێ

سیاسەتا زڤڕاندنا کەلوپەلی و پارەی

چەند ڕۆژ پێتڤینە بۆ زڤراندنا کەل و پەلا؟

ئەم ١٠٠% پابەندین ب ڕازیکرنا بکارهێنەرێن زەمبیلك. بەلێ هەروەسا ل دیف یاسا و مەرجێن فرۆشیارا ژی دمینیت،
بۆ نمونە:
ئەگەر فرۆشیاری د پۆستێ خۆ دا ئاماژە ب زڤراندنا کەل و پەلی دا کربیت، یەعنی گووتبیت: زڤراندن یا هەی، ل وی وەختی تۆ دشێی بۆماوێ ( ٧ ) حەفت ڕۆژادا پشتی کۆ ئەو کەل و پەلێ تۆ دکڕی دگەهیتە دەستێن تە، بۆ فرۆشیاری ب زڤرینیەڤە. بێ زەحمەت، تەئکید بکە کو ئەو کەل و پەلێ تۆ بۆ فرۆشیاری د زڤرینی دڤێت هەر وەکی وی وەختی بیت وەختێ گەهشتیە دەستێن تە و دڤێت هەر د کارتونا خۆ دا بمینیت و ئەگەر وەرەقەك یان ڵسقەك پێڤە بیت دڤێت هەرپێڤە بمینیت دا کو بهێتە زڤراندن، ئەگەر بەروڤاژی ئەو کەل و پەلە نا هێتە زڤراندن، ژ بلی ئەگەر فرۆشیار ژ قەنجیا خۆ زڤراندنێ قەبیل بکەت.

٢- دێ چاوا وی کەل و پەلی بۆ فرۆشیاری زڤرینمەڤە پشتی کو من کڕی؟

ژ بۆ زڤراندنا وی کەل و پەلێ کو تە ل زەمبیلك کڕی،
ل دەستپێكێ پێتڤیە پەیوەندیێ ب فرۆشیاری بکەی و سەبەبێ زڤراندنێ بۆ دیار بکەی، دڤێت فرۆشیار د ماوێ (٤٨) چل و هەشت کاتژمێرادا بەرسڤا کڕیاری بدەت، ئەگەر د ماوێ (٤٨) چل و هەشت کاتژمێرادا چ بەرسڤ ژ فرۆشیاری نەبوو، بێ زەحمەت پەیوەندیێ ب زەمبیلك بکە دا کو پرۆسێسا زڤراندنێ چاڕەسەر بکەت، هیڤیدارین ئاگەهدار بن، مەرج نینە کو پرۆسێسا زڤراندنێ د بەرژەوەندیا کڕیار یان فرۆشیاری دا بیت بەلکو دێ ل دیف یاسا و مەرجێن زەمبیلك بیت.

٣- ئەرێ دێ شێم تشتەکێ تێکچووی زڤرینمەڤە؟

هیڤیدارین ئاگەهداربن:
هین دشێن وی تشتی وەختێ گەهاندنێدا ڤەکەن و باش سەحکەنێ، ئەگەر کێماسیەك تێدا هەبیت، بو نمونە: یێ شکەستی بیت، یان یێ (دریایی یان تێکچووی بیت ئەگەر قوماش بیت)هەر ل وێرێ وێنەکێ بۆ تشتی بگرە یان ڤیدویەکا ٥ سانی بەس بۆ دەلیل و بۆ فرۆشیاری ب زڤرینەڤە وهەول بدە ب زیترین دەم پەیوەندیێ ب فرۆشیاری بکە و مەسەلێ بۆ بێژە.

٤- ئەرێ پاڕێ زڤراندنا تشتی بۆ فرۆشیاری ژ کڕیاری یە؟

ئەگەر کریاری داخازا زڤراندنا تشتی کر، دڤێت کریار پاڕێ زڤراندنێ بدەت، بەس ئەگەر فرۆشیاری د پۆستێ خۆ دا ئاماژە ب هندێ کربیت کو زڤراندن بێ بەرامبەرە، ل وی وەختی زڤراندن ژ فرۆشیاری یە.

٥- دێ چ جۆرێ پاڕەی و چاوا بۆ من زڤریتەڤە؟

زڤراندنا پاڕەی دێ هەر ئەو پاڕە بیت و ب وی شێوازی بیت ئەوێ کو کڕیاری تشت پێ کڕی.

٦- دێ کەنگی پاڕێ کڕیاری زڤریتەڤە پشتی کو ئەو تشتی کڕی بۆ فرۆشیاری زڤراندی؟

هەروەختێ کو فرۆشیاری تشتێ خۆ وەرگرت، ئەم ژی دێ دیف چۆنێ کەین، وەختێ مە زانی هەمی تشت درستن ل دەف فرۆشیاری دێ شنی پاڕێ کڕیاری بۆ کڕیاری زڤریتەڤە.
تێبینی: پێتڤیە د ماوێ ( ٧ ) حەفت ڕۆژادا فڕوشیار پاڕێ کڕیاری بۆ ب زڤرینیتەڤە، و پێتڤیە کڕیار ژی بۆ ماوێ ( ٧ ) حەفت ڕۆژادا ل هڤیا فرۆشیاری بمینیت یەعنی ئیزعاجا فرۆشیاری نەکەت، بەلێ ئەگەر پشتی ( ٧ ) ‌حەفت ڕۆژا فرۆشیاری نە پاڕە زڤراندن و نە پەیوەنی ب کڕیاری کر و سەبەبێ نە زڤراندنا پاڕەی بۆ نە گووت، ل وی وەختی پێتڤیە کڕیار پەیوەندیێ ب زەمبیلك بکەت ژ بۆ ب دەستڤە ئینانا مافێ خۆ.

٧- ئەرێ ئەو پاڕێ ژ بۆ من د زڤریتەڤە، دێ حەقێ گەهاندنێ ژێ هێتە بڕین؟

بۆ زڤراندنا بێ بەرامبەر، دێ کڕیار هەمی پاڕێ خۆ وەرگریت. ئەگەر فرۆشیاری نە گووتبیت کو زڤراندن بێ بەرامبەرە، ل وی وەختی ل سەر کڕیاری پێتڤیە حەقێ زڤراندنێ بدەت.