سیاسەتی گەڕانەوە

سیاسەتی گەڕانەوە و گەڕاندنەوەی پارە

١- چەند ڕۆژم پێویستە بۆ گەڕاندنەوەی شتەکە؟

ئێمە پابەندین بە ڕازیکردنی ١٠٠% ی بەکارهێنەرانی زەمبیلك. بەڵام ئەوە بەندە بە مەرج و ڕێساکانی فرۆشیارەوە، ئەگەر مەرجی گەڕانەوە قبوڵکراو بێت، دەتوانیت لە ماوەی( ٧ ) ‌حەوت ڕۆژدا دوای گەیاندنی شتەکە ئەوە بکەیت. تکایە دڵنیابە لەوەی کە شتەکە وەك خۆیەتی و لە پاکەتەکەی ئەسڵیدا بەکارنەهاتووە.

چۆن شتەکە بگەڕێنمەوە دوای ئەوەی کڕیوم؟

بۆ گەڕاندنەوەی ئەو شتەی کە لە زەمبیلك کڕیوتە
پێویستە سەرەتا پەیوەندی بە فرۆشیارەوە بکەیت و گفتوگۆیان لەگەڵ بکەیت، فرۆشیار( ٤٨ ) چل و هەشت کاتژمێری هەیە بۆ چارەسەرکردنی کەیسەکە، ئەگەر دوای ( ٤٨ ) چل و هەشت کاتژمێر هیچ هەواڵێکت لە فرۆشیارەکە نەبوو ئەوا تکایە پەیوەندی بە تیمی خزمەتگوزاری کڕیارانی زەمبیلك بکە. .

ئایا دەتوانم داوای گەڕانەوەی شتێکی تێکچوو بکەم؟

تکایە ئاگاداربن:
دەتوانیت شتەکە لەبەردەم کەسی گەیاندنەکەدا بکەیتەوە پێش ئەوەی ناونیشانەکەت بەجێبهێڵێت بۆ ئەوەی دڵنیا بیت لەوەی کە ئایا شتە گونجاوەکەت وەرگرتووە و زیانێکی پێنەگەیشتووە،
ئەگەر شتەکەت تێکچووە یان شتێکی هەڵە بوو ئەوا وێنەی شتە تێکچووەکە و پاکەتەکە بگرە و بۆ فرۆشیار بنێرە. کاتێک فرۆشیار گەڕانەوەی پەسەند کرد، پاشان شتە زیانلێکەوتووەکە بنێرەوە بۆ ناونیشانی فرۆشیارەکە.

ئایا پێویستە پارەی ناردنی گەڕانەوە لە ئەستۆ بگرم؟

هەموو ئەو گەڕانەوەیەی کە لە کڕیارەوە داوای دەکرێت لەلایەن کڕیارەوە دەدرێت مەگەر فرۆشیار گەڕانەوەی بێبەرامبەر پێشکەش بکات.

چ جۆرە پارەیەکم بۆ دەگەڕێتەوە؟

گەڕاندنەوەی پارە بە هەمان شێوازی پارەدان دەدرێت کە داواکاری ئەسڵی تێیدا کڕدراوە.

کەی پارەکەم دەگەڕێنمەوە؟

هەر کە فرۆشیار شتەکەت وەرگرت، ئێمە پشکنین دەکەین و دەست دەکەین بە گەڕاندنەوەی پارەکەت. دەتوانیت ( ٧ ) ‌حەوت ڕۆژ لە کاتی وەرگرتنی داواکارییەکەوە پارەکەت بۆ بگەڕێتەوە.

ئایا گەڕاندنەوەی پارەکەم تێچووی گەیاندن لەخۆدەگرێت؟

بۆ گەڕانەوەی بێبەرامبەر، تۆ تەواوی بڕی داواکارییەکە وەردەگریت. ئەگەر فرۆشیارەکە گەڕانەوەی بێبەرامبەری پێشکەش نەکردبێت، ئێمە تێچووی ناردنەکە دەبڕین پێش دەستپێکردنی گەڕاندنەوەی پارەکە.